آه 6 حواس كده زي ما قريت معنى كلمة حاسة زي الحواس بتاعتنا الخمسة، تفتكر إيه همّا ال 6 حواس لازم يكونوا في الإعلان عشان يحقق نجاح و ليه عددهم ستة ليه مش 7 أو 8 ؟ كل ده هنتعَرف عليه بالتفصيل في السطور الجاية:
أولاً: إيه هما 6 حواس؟
ثانيًا: ليه ال 6 دُول؟
أخيرًا: ليه لازم يبقوا موجودين؟
أولا : ايه هما ال 6 حواس ؟
عاطفي emotional:
أثبتت الدراسات على أن المشتري يشتري بالعاطفة و ده أقوى و أقصر طريق تقدر تأثّر بيه عشان يقدر يشتري ببساطة لو فرّحته هيشتري لو حبَك هيشري، كل دِي مشاعر لو عايّشتهالُه في إعلانك هيشتري منك، زي شركة كوكاكولا وماكدونالدز السلوجان بتاعه أنا أحبه “I’m lovin it ” خلّاك تحب البراند و بيأثر على العاطفة بتاعتك.
مرئي visual :
من أهم أدوات التأثير هي المشاهدة ، إنه لازم يشوف عشان يصدق و يشتري مينفعش تقعد تكتبله و تقوله، لازم يشوف عشان كده خلي أغلب المحتوى بتاعك مرئي و يفضل هنا يكون فيديوهات وميديا بيكون ليها تأثير عالي على المشتري.
محفوظ memorable:
ببساطة مينفعش يبقى إعلانك يبقى ربع ساعة ولا نص ساعة عشان العميل يحفظه، من أهم الأدوات في الإعلان الناجح إن لما العميل يحتاجك يفتكر إعلانك خلي إعلانك دايمًا صغير ومحفوظ زي بالظبط خير الكلام ما قل ودل. أكبر دليل على المثال ده: شركة الشوكولاتة “سنيكرز” العبقرية لما تجوع دايمًا تفتكر سنيكرز.
ملموس Tangible :
كتير بيسألوني السؤال المعتاد إزاي أخلي الخدمة بتاعتي ملموسة و يعني إيه أصلاً ملموس؟ خلي دايمًا إعلانك وسط الناس ببساطة، لو إنت خدمة خلّي المُشتري يشوف نفسه وهو بيستخدم خدمتك عشان تقرب منه وتخلي ملموس. وببساطة في الفترة الأخيرة هنا في مصر في إعلانات الممثل عمرو عبد الجليل في إعلان “باي باي نقدية خلاص بقت إلكترونية” عملوا إعلان ملموس للخدمة برغم إنها مش مرئية.
متباين contrastable :
ببساطة عشان مندخلش في شرح كتير العميل مبيحبش الاختيارات كتير أوي قدامه متعملش إعلان فيه 100 منتج و100 نوع و عايز العميل يشتري. دايمًا خلّي اختيارك على حاجتين اتنين بسْ عشان يختار أسرع و يشتري أسرع كُتر الاختيارات ده مش في مصلحتك.
شخصي personal :
كل ما خليت العميل يحس إن الإعلان موجه ليهْ أكتر و خاطبته بشخصه، وكل عميل شاف الإعلان إنه ليه هيشتري أكتر؟ زي حملات كتير بتتعمل في مصر لو خصصت مثلاً شعب زي إسكندرية في إعلان كده أهل إسكندرية هما أكتر ناس هيشتروا حسسهم إن الإعلان ليهم. خلي الإعلانات كلها شخصية مش بشكل عام عشان تبيع أكثر.
ثانيا : ليه ال 6 حواس دول؟
عشان دي دراسات اتعملت على مخ الانسان إزاي يقدر يستوعب حجم البيانات و رؤيته؟ فبعد دراسات و تجارب لَقوا إن دول هُمّا 6 حواس بيأثروا على مخ الإنسان لو كانوا موجودين في إعلان أو حديث أو خطاب.
أخيرًا: ليه لازم يبقوا موجودين؟
لو معرفتش تحط 6 حواس على أقل لازم تحط 3 أو 4 مفيش حاجة إلزامية بس هي خطوط عريضة بتمشي عليها و لو عملتها بشكل كامل و متناسق و جيد هيكون ليها تأثير، عملت جزء منها تأثيرها هيكون أقل، معملتش منها مش هيكون ليها تأثير لو محتاج مساعدة فيهم متترددش كلّمنا هنساعدك عشان تعمل 6 حواس في إعلانك مجانًا.
ويشرفنا زيارتك لنا في شركة إعلانك | شركة تسويق الكتروني في الاسكندرية .
